Month: June 2018

Reagon ministri i brendshëm Fatmir Xhafaj për vdekjen e shoferit të tij Shkëlzen Qordja i cili u gjet pa jetë mëngjesin e sotëm në garazhin e gardës së republikës. Xhafaj thotë se është i shokuar nga kjo ngjarje dhe i bën apel medias të respektojnë dhimbjen e familjarëve. Sipas hetimeve paraprake, 31 vjeçari vrau veten me armën e shërbimit.

“Nëse nuk kam se si u kërkoj hienave politike të mos sulen mbi të vdekurin, u lutem mediave që kanë sadopak ndjenjë njerëzore të respektojnë dhimbjen e prindërve, vellezërve, të afermve e miqve të tij.

Ai ishte një djalë i shkëlqyer, një punonjës i papërtuar e fjalëpak, që la një boshllëk të madh pas vetes dhe nuk e meriton në asnjë mënyrë përbaltjen”, thuhet në deklaratën e Xhafajt.

Reagimi i PLOTË i Ministrit të Brendshëm Fatmir Xhafaj

Jam i shokuar dhe nuk gjej fjalë të ngushëlloj prindërit dhe gjithë familjen e Shkëlzenit për humbjen tragjike të jetës së tij. Kjo ngjarje e rëndë ka shkaktuar një dhimbje të fortë njerëzore për mua dhe për të gjithë ata që punuan dhe e njohën nga afër atë.

U prefsh në paqe, i dashur Shkëlzen!

Nuk është dita sot për mua që të bëj politikë dhe as e ndaloj dot që politika të vazhdojë të merret me mua sot.

Kam humbur krejt papritur një njeri të afërt, i cili si dhe gjithë familja e tij, ishte bërë si pjesë e familjes sime.

Nuk kam asnjë koment për rrethanat e ndarjes së tij nga jeta, sepse prokurorët dhe ekspertët përkatës po punojnë ndërkohë për sqarimin e tyre.

Nëse nuk kam se si u kërkoj hienave politike të mos sulen mbi të vdekurin, u lutem mediave që kanë sadopak ndjenjë njerëzore të respektojnë dhimbjen e prindërve, vellezërve, të afermve e miqve të tij.

Ai ishte një djalë i shkëlqyer, një punonjës i papërtuar e fjalëpak, që la një boshllëk të madh pas vetes dhe nuk e meriton në asnjë mënyrë përbaltjen.

Faleminderit paraprakisht, kujtdo që do ta konsiderojë këtë apel njerëzor!

Sezoni veror ka nisur keq sa i përket aksidenteve rrugore.Vetëm në 5 ditëshin e fundit të kësaj jave në Shkodër janë regjistruar 5 aksidente por shifra e të plagosurve është e frikshme.

Bëhet fjalë për 19 persona të plagosur në 5 ditë , cka sjell në vëmëndje sërish mosrespektimin e rregullave të qarkullimit nga drejtuesit e mjeteve ,

ndërkohë që një tjetër shkaktar është edhe mungesa e sinjalistikës rrugore e cila për hir të së vërtetës le shumë për të dëshiruar.

Gjithashtu edhe mungesa e sigurisë rrugore si bankinat mbrojtëse janë një tjetër element që provokojnë në shumë raste aksidente të renda për të mos lënë mënjëanë dhe mungesën e ndricimit rrugorë.

Për njohësin e sigurisë rrugore Gëzim Zenelaj faktorët kryesore që sjellin shkakun dhe pasojën janë parakalimi I gabuar, tejkalimi I shpejtësisë, përdorimi I celularit dhe mungesa e sinjalistikës vertikale dhe horizontale

Sipas policisë, shkaqet e aksidenteve lidhen me mosrespektimin e rregullave të qarkullimit si nga drejtuesit e mjeteve ashtu edhe nga këmbësorët.

Ka raste kur drejtuesit e mjeteve në autostradë qarkullojnë me 260 km në orë, ndërsa në qendrat e banuara me mbi 125 km/orë.

Këmbësorë që kalojnë nga një krah në tjetrin pa respektuar vijat e bardha, apo në autostradë pa përdorur mbikalim

“Nuk kam asnjë lidhje dhe dijeni për paratë, kam kryer thjesht transportin. Ishim kontraktuar nga biznesmenë kundrejt pagesës për të bërë transportin”, mësohet të jetë shprehur shkurtimisht Edi Lika.

Administrator I firmës ku ishin fshehur paratë e sekuestruara në portin e Durrësit. Ndërsa ende mbetet mister se cili ka qenë biznesmeni nga Kosova që ka porositur 9 makinat, 7 prej të cilave “Toyota Yaris”.

Përveç administratorit, Policia ka shoqëruar dhe dy shoferët e trajlerit, Klevis Lika, 19 vjeç, i cili është dhe djali i pronarit të firmës dhe Agim Ceka, 61 vjeç.

Ata kanë deklaruar në Polici se nuk kanë lidhje me shumën e eurove pasi kanë kryer thjesht transportin e makinave, siç edhe kanë bërë në shumë raste të tjera. 19-vjeçari Lika rezulton se ka kryer një itinerar të tillë të paktën 4 herë nga periudha shkurt-qershor, për të transportuar makina nga Italia për në Shqipëri.

Kurse 61-vjeçari, nga verifikimi në sistemin TIMS, rezulton se ka kryer një proces të tillë dy herë. Policia po vijon hetimet për të zbuluar biznesmenin. Ndërkohë që makinat dhe shuma e eurove janë sekuestruar nga Prokuroria për llogari të hetimeve.

Për të shkuar tek emri i biznesmenit, Policia po kryen verifikimin e dokumentacionit të makinave për të parë se cili është personi apo firma, për llogari të të cilit është kryer blerja e automjeteve nga vendi ku janë nisur për t’u dërguar për qëllime tregtie në vendin tonë.