Aksident në Laç, dyshohet se është përfshirë eskorta e Berishës

73

Një aksident rrugor është regjistruar pak minuta më parë në afërsi të Kurbinit, ku raportohet të jenë përfshirë 3 makina.

Sipas të dhënave paraprake, mendohet se dy nga makinat e përfshira në këtë aksident i përkasin eskortës së ish kryeministrit Sali Berisha.

Shkak për aksidentin mendohet të ketë qenë shpejtësia e mjeteve dhe lagështia në rrugë nga reshjet e orëve të fundit.

Sali Berisha ndodhej pak më parë në qytetin e Laçit ku mbajti takimin e radhës me demokratët përpara Kuvendit të 11 dhjetorit.

Njoftimi i Policisë

Kurbin/Informacion paraprak

Në aksin rrugor Milot- Fushë Mamurras, mjeti me drejtues shtetasin A.M., ka goditur mjetin me drejtues shtetasin S.L., e më pas ka goditur mjetin shoqërues të eskortës deputetit S.B.

Si pasojë kanë marrë dëmtime të lehta 2 shtetas banues në Kosovë.

Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.