Pezullohen nga detyra 6 punonjës të policisë së Korçës.
Mësohet se mes tyre e ka pësuar dhe shefi i komisariatit Krenar Gjokutaj dhe shefi i qarkullimit Kelmend Pikuli, ndërsa 4 të tjerët janë punonjës të qarkullimit. Burime bëjnë me dije se prokuroria e Tiranës ka hetuar kryesisht për veprën penale “ushtrim i ndikimit të paligjshëm” për shefat, ndërsa “shpërdorim detyre” për punonjësit e tjerë.
Gjykata e Tiranës ka vendosur masën e sigurisë “detyrim paraqitje” për shefin e Komisariatit dhe pezullimin nga detyra.
Sipas informacioneve të siguruara, bëhet fjalë për 2 raste të kapjes së drejtuesve të mjeteve në shkelje administrative.
