38-vjeçari që u ekzekutua këtë të premte në Vlorë ishte pronar i një servisi makinash, ndërsa mësohet se disa javë më parë ishte kthyer nga Spanja.
Po ashtu, raportohet se ai ka qenë i përfshirë në një konflikt dy muaj më parë, por nuk dihet nëse ngjarja e rëndë ka ndodhur për shkak të ndonjë konflikti të mëparshëm.
Delon Troqe u qëllua para pallatit të Sportit në Vlorë. Ai u dërgua menjëherë në spital, po nuk arriti t’iu mbijetojë plagëve.
Policia ka shoqëruar në komisariat disa persona që dyshohet se kanë informacion për ngjarjen dhe ka sekuestruar kamerat e sigurisë në zonën përreth.
