Fruta kontrabandë në Kapshticë, pranga doganierit dhe 3 përfituesve.

379

Një doganier në pikën e kalimit kufitar të Kapshticës është arrestuar për “Shpërdorim detyre” pasi lejoi kalimin e 4 mjeteve me mall të dyshuar kontrabandë, pa ushtruar kontrollin përkatës.

Në pranga ka përfunduar Lulzim Kodra,  59 vjeç, banues në Sovjan Maliq. Gjithashtu janë arrestuar edhe 3 shtetas të tjerë si dhe 1 është shpallur në kërkim, për veprën penale “Kontrabanda me mallra të tjera”.

Ata janë :

– R.Sh, 29 vjeç;

– K. M 23 vjeç;

– P. V, 45 vjeç;

– Në kërkim u shpall G.M, 29 vjeç;

“Shtetasit e mësipërm, janë kapur në Bilisht, me mjetet e tyre respektive në të cilat iu gjetën të ngarkuara mallra të dyshuara kontrabandë (fruta të thata) të cilat kanë kaluar nga Pika e Kalimit Kufitar të Kapshticës ku shtetasi L.K, dyshohet të ketë shpërdoruar detyrën duke mos zbatuar procedurat e kontrollit të këtyre mjeteve”, sqaron policia.

Materialet për hetime të mëtejshme i kaluan Prokurorisë të Rrethit Gjyqësor Korçë për veprat penale bazuar në nenet 248 e 174 të Kodit Penal.