Policia e Shtetit ka njerrë në ankand për shitje tre qen të të stërvitur. Njoftimi është bërë i ditur në Fletoren Zyrtare ku jepen edhe kriteret e këtij procesi konkretisht për qentë e quajtur Lisi, Uga dhe Asta.
Çdo person fizik apo juridik i interesuar për blerje duhet të paraqesë në vendin datën dhe orën e njoftuar pranë komisionit të ankandit dokumentacionin si më poshtë.
1. Kërkesë me shkrim për blerje e regjistruar pranë protokollit të Ministrisë së Financave.
2. Garancinë bankare apo mandat pagesën në origjinal që vërteton ngurtësimin e 20% të vlerës së fillimit të ankandit në lek për llogari të Ministrisë së Financave.
3. Dokument identifikimi pasaportë biometrike ose letërnjoftim.
Kujtojmë se vendi ynë shfaqi probleme sa i takon kërkimeve me qen të specializuar gjatë periudhës së vështirë që kaloi në 26 nëntor kur u godit nga një tërmet i fuqishëm.
Ekipet e kërkim shpëtimit nuk patën asnjë qen të specializuar për lokalizmin e personave nën rrënoja në një kohë kur qentë janë mjeti më i përdorur dhe më efektiv për gjetjen e të humburve nën rrënoja.
Në këto kushte Shqipëria kërkoi ndihmën e vendeve fqinje të cilët erdhën bashkë me ekipe të specializuara.
