Month: December 2019

Për krijimin e Prokurorisë së Posaçme kundër Korrupsionit dhe Krimit të Organizuar ka reaguar ambasada amerikane.

“Lufta kundër korrupsionit është prioritet i punës së Ambasadës së Shteteve të Bashkuara në Tiranë. Këtë javë, mësoni se si Struktura e Posaçme Anti-Korrupsion dhe Krim i Organizuar, ose SPAK, do të funksionojë,”-shkruan ambasada e SHBA në Facebook.

Postimi i ambasadës amerikane:

Qeveria e Shteteve të Bashkuara është e përkushtuar në luftën kundër korrupsionit dhe respektimin e sundimit të ligjit në mbarë botën. Lufta kundër korrupsionit është prioritet i punës së Ambasadës së Shteteve të Bashkuara në Tiranë.

Këtë javë, mësoni se si Struktura e Posaçme Anti-Korrupsion dhe Krim i Organizuar, ose SPAK, do të funksionojë. 

Me t’u ngritur, do të shënjestrojë korrupsionin e nivelit të lartë. 

Kjo video tregon se si mbështetja prej 2 milionë dollarësh nga Shtetet e Bashkuara po përdoret për të siguruar që SPAK do të ngrihet dhe do të funksionojë në mënyrë të pavarur.

Është mbledhur sërish sot Komisioni i Edukimit dhe Medias ku është shoqëruar edhe me debate të ashpra pasi po diskutohet për paketën anti-shpifje ku të pranishëm janë edhe përfaqësues të medias.

Mark Marku ka marrë fjalën ku ka parashtruar kërkesat e tij duke argumentuar pse kjo paketë e cila pritet të votohet në kuvend brenda këtij muaj, është anti-ligjore dhe cënon lirinë e medias.

“Konceptualisht kjo procedurë është jofuksionale pasi nuk përmirësohet një ligj që cenon lirinë e medias. Kushtetuta ia ndalon çdo organi ligjvënës që të cenoje lirinë e medias. Jeni futur në një procedurë të një ligji që cenon lirinë e medias. 

Kjo që ju po bëni është krim ose bashkëpunim në krim. Unë si profesor në fakultetin e gazetarisë nuk mund të behëm bashkëpunëtor në krim. Ky ligj minimalisht duhet të stopohet. Nuk mendoj se si një ligj mund të bëhet nga 12 deputete kur kanë kundër çdo organizate për lirinë e medias. 

Cenoni rëndë lirinë e medias, nuk e di kush e ka bërë ketë ligj por ai që e ka bërë është injorant nga media. 

Nuk quhet media e shtypur por shtyp i shkruar, ai që e ka bërë do ta shtypë median. Mos bëni ligje kot, sepse ne do e vazhdojmë rezistencën tonë dhe ky do të jete ligj vetëm në letra,” tha Marku.

(Ndërhyrje nga Mirela Kumbaro)

Marku-Kumbaros: Po dëgjuat mire, nëse jo ikni. E keni bërë Kuvendin si fugon. Po folët unë iki bashkë me kolegët.

Kumbaro: Qetësohu dhe ruaj etikën

Marku: Ju s’keni as etike as integritet. Jeni punëtorë të një njeriu që do t’ju shkelë

(Kumbaro lë mbledhjen)

Fituesi i çmimit NOBEL ne letërsi për vitin 2019, Peter Handke është shpallur person i padëshiruar ne Kosovë dhe Bosnjë e Hercegovinë.

 

Ministri i jashtëm, Behgjet Pacolli deklaroi ne rrjetet sociale se shkrimtari Handke dhe komiteti i NOBEL-it treguan mungese respekti ndaj viktimave te genocidit.

 

Te njëjtin qëndrim shprehu edhe asambleja e rajonit autonom serb ne Bosnjë e cila miratoi një deklarate, ku thuhet se vizita e mundshme e Handkes do te shkaktonte zemërim dhe poshtërim të të gjitha viktimave.

 

Qindra veta protestuan ne Stokholm kundër ndarjes se këtij çmimi, ndërsa ambasadoret e Kosovës, Shqipërisë, Kroacisë, Bosnjë Hercegovinës, Maqedonisë se Veriut dhe Turqisë, bojkotuan ceremoninë.

 

Kritiket e quajnë autorin Handke, mohues te genocidit duke vene ne pah lidhjet e tij me Sllobodan Millosheviçin, deklaratat ne mbrojtje te nacionalizmit serb dhe kundër ndërhyrjes se NATO-s ne Kosovë.

Një person ka mbetur i plagosur gjatë një sherri të ndodhur në një lokal të Korçës.

Ngjarja ka ndodhur mbrëmjen e sotme ku i plagosuri është paraqitur në spitalin Rajonal me plagë të rëndë në kokë.

Sipas dëshmisë që ka dhënë, ai është konfliktuar me persona të tjerë në një lokal ne qytetin e Korçës.

Megjithatë ajo që ai ka qënë para efektivëve është e paqartë pasi ka qënë në efektin e pijeve alk oolike.

Ende nuk dihet identiteti i të plagosurit dhe vendi i ngjarjes, ndërsa Policia ka nisur punën për zbardhjen e shkaqeve të sherrit dhe kapjen e autorëve.