Hakmarret ‘gangsterja’ e Bilishtit? Punonjësit të karburantit i digjet makina, babai i të riut: Dyshoj tek Deizi Arapi. Policia të verifikojë ku i gjen lekët që blen automjete sa herë ia shkrumbojnë?

Një automjeti i është vënë flaka gjatë natës së kaluar në qytetin e Bilishtit.

Pronari i automjetit dyshohet se është Marsel Buçi, punonjësi i një karburanti në qytet.

Emri i këtij personi doli në skenë pak javë më parë, dhe u akuzua nga Deizi Arapi se i kishte djegur makinën e saj.

Babai i Marsel Buçit ka folur sot për mediat dhe ka treguar se djali i tij nuk ka asnjë konflikt

“Pas verifikimeve që bëri policia doli që im bir nuk kishte lidhje me atë ngjarje. Pas nja dy ditësh, si ndodhi kjo ngjarje i del prapë përpara me makinë djalit e filloi ta ofendojë.

Qëndroi djali i tha si e ke punën moj cupë e mbarë. Nuk kam gjë i tha po pas disa minutash mori policinë në telefon i thotë ky djali më shau. Nuk ka pasur asnjë konflikt djali.

Mua më duket ngjarje e qëllimshme 100%. Kërkoj nga shteti drejtësi, bile para një muaji erdhën te shtëpia ime meqë kisha kamera, e morën. Mund ta verifikonin brenda 24 orësh. Akoma nuk ma kanë sjellë. Unë dyshoj tek ato dy çupat që ja dogjën makinën dy javë më parë, tek ato e kam dyshimin. Nuk e di nga janë shtyrë, në rast se djali im do kishte dorë tek ajo, do i kishte djagur makinën do e kisha denoncuar. Unë punoj më kazmë e lopatë, edhe e kam blerë me djersë atë makinën, kurse ato kanë ndërruar 10 makina sa djegin një blejnë tjetër, bëhem kurioz, ne jemi 4-5 veta që punojmnë se mund të rri dhe 10 vjet pa makina, Ku i gjejnë lekat? Vetëm kaq dua nga shteti, ku i gjejnë 6 milion pa punuar asnjëri?”, u shpreh babai i tij.

“Rreth orës 02:30, në qytetin e Bilishtit, ka rënë zjarr në automjetin tip “Volksvagen” në pronësi të shtetasit M. B., i cili ka qenë i parkuar përpara banesës së tij.

Grupi hetimor po punon për sqarimin e rrethanave dhe përcaktimin e shkaqeve të aksidentit dhe rënies së zjarrit”, thoshte policia në mëngjes për djegien e makinës së Marsel Buçit.

Emri i Deizi Arapit nuk është tashmë emër i panjohur për policinë. Pak kohë me parë 27-vjeçarja nga Bilishti, u arrestua për prishje të qetësisë publike dhe pasi kishte fyer e kundërshtoi me dhunë efektivët e policisë, ndërsa është ndjekur penalisht në gjendje të lirë motra e saj 23 vjeçe.

Lajmi i fundit/ Lëkundje e fuqishme tërmeti në Shqipëri

Lëkundje e fuqishme tërmeti në Shqipëri.

Tërmeti kishte një magnitudë 3.8 ballë  e shkallës Rihter dhe ishte me epiqendër mes fshatrave Funar dhe Gracen 25 km larg Tiranës dhe 13 km larg Elbasanit.

Thellësia 15 km.

Lëkundjet u ndjenë të forta në Elbasan, Tiranë dhe disa qytete përreth.

Nuk raportohen dëme materiale.

Zbulohen 5 ndryshimet e mëdha që po përgatit “Whatsapp”-i

Drejtuesit e WhatsApp janë duke punuar për të sjellë 5 ndryshime të rëndësishme në aplikacion dhe këto tashmë janë në fazë testimi.

Aplikacioni ka nisur testimet e ndryshimeve të rëndësishme në versionin e tij Beta dhe ato mund të aktivizohen në një periudhë jo të largët.

WhatsApp do të sjellë disa ndryshime, të cilat do ta bëjnë shumë më të lehtë përdorimin e këtij aplikacioni në përditshmërinë tuaj.

Kështu:

1-Një nga ndryshimet kryesore është mundësia për të krijuar një link thirrjeje. Nëpërmjet linkut mund t’i bashkoheni thirrjes në çdo kohë.

2. Mundësia për të mos u dukur kur jeni online

3. Një veçori e cila të lejon të krijosh dhe të shpërndash “polle” në grupet e komunikimit

4. Edhe kamera e vetë WhatApp do të ndryshojë në mënyrën sesi i filmon videot

5. Nëse keni përzgjedhur opsionin e mesazheve që zhduken, WhatsApp do të sjellë mundësinë për t’i ruajtur një pjesë të tyre