Posted on

Luiza Gega në finalen e garës së 3000 m me pengesa, siguron kualifikimin direkt

Atletja shqiptare, Luiza Gega, ka arritur një rezultat fantastik, teksa është kualifikuar në finalet e 3000 m me pengesa në Lojërat Olimpike që janë duke u zhvilluar në Tokio.32-vjeçarja nga Dibra, shënoi kohën 9:23.85, duke u renditur e pesta në baterinë e dytë, rezultat ky që e kualifikon direkt në finalen e madhe të 4 gushtit.

Ndërkohë që vendin e parë në baterinë ku garonte Luiza Gega, e zuri atletja amerikane, Kornei Freriçs.

Për herë të parë në histori, në disiplinën më të vështirë, një atlete shqiptare del në finale të Olimpiadës, duke sfiduar kështu vajzat më të shpejta të botës.

Posted on

Sa do vazhdojë i nxehti afrikan në Shqipëri? Meteorologët bëjnë parashikimin për javën që vjen: Ja kur freskohet moti

Edhe për këtë javë që sapo ka nisur, vendi ynë do të vijojë të jetë i “mbërthyer” nga i nxehti Afrikan por fundi i javës më në fund sjell një lehtësim.

Por pse?

Siç u theksua edhe më lart, fillimi i javës si dhe ditët në vijim (dita e Hënë deri ditën e Mërkurë) vendi ynë do të vijojë të ndikohet nga moti i kthjellët dhe i nxehtë. Kjo për shkak se mbi vendin tonë do të vijojnë ndikimin e tyre masat e nxehta nga Afrika e Veriut.

Duke filluar nga dita e Enjte situata meteorologjike ndryshon pasi fillon terheqja e masave të nxehta dhe zëvendësohen nga ato më te freskëta me origjinë nga veriperëndimi.

Moti (dita e Enjte) do të jetë i kthjellët por me alternime vranësirash më të theksuara në zonën e veriut ku do të shoqërohen me reshje shiu. Ato të do jenë të dobëta dhe sporadike dhe lokalisht shtrëngata afatshkurtër.

Po ashtu edhe për ditën e Premte moti parashikohet me alternime kthjellimesh dhe vranësirash kësaj radhe më të theksuara në zonën e jugut.

Reshjet do të jenë të herëpashershme me intensitet të ulët. Përreth relieveve malore në formën e shtrëngatave dhe stuhive afatshkurtër. Përgjatë vijës bregdetare do të jenë sporadike në formën e pikave.