Specialistët ngrenë shqetësimin se rreziqet që kanosen gjatë eksplorimit të kanioneve apo shpellave janë të larta, ndaj këshillojnë marrjen e një shoqëruesi, qoftë edhe lokal, për të shmangur çdo fatkeqësi të mundshme.
Pas ngjarjes ku një 25-vjeçare mbeti e vdekur në Kanionet e Holtës, specialistët këshillojnë turistët që në aventurat e tyre të mos rrezikojnë jetën.
Sipas tyre, në çdo destinacion ata duhet të kenë të paktën një shoqërues lokal që njeh terrenin dhe veçoritë e klimës.
Marjana Çerekja Është gjithmonë më mirë të kenë një person të zonës që ti drijtojë. Në momnentin që shfaqet një rrezik të jetë ai që ta menaxhojë.
Sportet e natyrës janë një trend i ri në vendin tonë.
Ekspertët thonë se shqiptarët pavarësisht dëshirës për të njohur destinacionet e reja, nuk e kanë ende informacionin e duhur për shmangien e rreziqeve.
Specialistët këshillojnë marrjen e informacionit paraprak për terrenin që do të vizitohet përpara nisjes për në destinacion.
