Month: July 2019

Një çift i ri është krijuar në radhët e showbiz shqiptarë. Në heshtje dhe larg vëmendjes së publikut këngëtarja nga Kosova Dafina Dauti ka pranuar se prej pak kohësh ka nisur një lidhje dashurie me kolegun e saj, këngëtarin Tafil Kurteshi.

Pas thashethemeve që nisën të qarkullonin për dyshen kohëve të fundit, Dauti ka zbuluar romancën në një intervistë për Telegrafin duke thënë, Është përfol dhe me të drejtë. Po, është e vërtetë, po e them për herë të parë për ju. Ka disa muaj që unë dhe Tafili jemi në lidhje dhe jemi shumë të lumtur bashkë dhe shumë falënderues që kemi gjetur njëri tjetrin.

Dafina dhe Tafili janë njohur në Shëngjin, në një nga lokalet ku kanë qenë të ftuar të performojnë. Jemi njoftuar në Shëngjin. Kemi qenë bashkë në një mbrëmje muzikore, pasi që të dy jemi këngëtarë. Më pas, kemi pasur edhe mbrëmje tjera bashkë dhe kemi pasur mundësi akoma më shumë të njihemi më mirë dhe sot ja ku jemi, dy të dashuruar, ka thënë ajo.

Dafina Dauti më herët ka qenë e martuar dhe ruan raporte miqësore me ish-bashkëshortin, me të cilin ka një vajzë të quajtur Elizabeta.

Vajza e Jozefina Topallit, Megi ka nisur prej kohësh një marrëdhënie tjetër romantike dhe vetëm tani u bënë publike disa prova për ta vërtetuar atë. IconStyle ka siguruar disa foto të saj me partnerin e ri teksa ecin të dy në rrugët e zonës së ish Bllokut, ku Megi banon. Sipas tyre, lidhja mes saj dhe djaloshit ende të panjohur ka nisur prej kohësh dhe tani është konsoliduar e ka kaluar në stadin e bashkëjetesës.

Kujtojmë se Megi ka qenë për shumë vite e lidhur me këngëtarin Luiz Ejlli, nga i cili u nda në 2017 dhe të dy njoftuan pa zbuluar shumë detaje që nuk ishin më bashkë. Komentet për atë marrëdhënie qenë të rralla, por një nga ato që bëri bujë ishte ai i këngëtarit, i cili në një intervistë e konsideroi lidhjen me vajzën e ish kryetares së Kuvendit si një flluskë sapuni.

Vetëm pak orë më parë, Fjolla Morina publikoi këngën e saj më të re me titull Nace Nace, ku më së shumti ka tërhequr vëmendje videoklipi i saj, pasi këngëtarja mbante një gjarpër në duar teksa bënte poza provokuese. Menjëherë pas publikimit të këngës, Olti Curri e ka thumbuar Fjollën publikisht në Instastory e tij, ku shkruan, Soprano e La Scala nxorri videoklipin e ri, duke etiketuar këngëtaren.

Kjo e fundit ia ka kthyer duke publikuar këtë shkrim të Oltit në Instastory e saj me shkrimin, Balerin ti shoqëruar me një emoji me gisht të mezit. Mirëpo Olti nuk e ka lënë me kaq. Ai ka publikuar një video humoristike të një burri që del nga uji dhe këndon, duke ironizuar kështu jo vetëm videoklipin e Fjollës, por dhe artistëve të tjerë shqiptare dhe të huaj.

Nuk e dimë nëse do ketë reagime të tjera nga ana e këngëtares shqiptare, por kjo mbetet për tu parë.

Këngëtarja e njohur Celine Dion ka vendosur ti përgjigjet kuriozitetit të gjithë ndjekësve të saj lidhur me rënien drastike që ajo ka pësuar në peshë.

Celin ka thënë se gjendja e saj shëndetësore është mjaft e mirë dhe se humbja në peshë i atribuohet pasionit të saj të ri, baletit, që e praktikon katër herë në javë.

Unë jam duke punuar shumë. Më pëlqen të lëviz dhe prandaj kam humbur shumë peshë ka thënë 51-vjeçarja e cila duket më elegante se kurrë më parë.

Këngëtarja australiane u përball tre vite më parë me humbjen e bashkëshortit Rene Angelil dhe të vëllait Daniel. Ndaj edhe goditjet e forta emocionale duhet të merren parasysh për këtë ndryshim të Celine.