Disa persona mendohet se kanë vdekur mbrëmjen e sotme në Plajmuth të Anglisë, pas një sulmi me armë zjarri.
Forca të shumta policore, madje edhe helikopterë, kanë mbërritur në skenën e krimit, ndërkohë që banorëve të zonës u është kërkuar nga autoritetet që të mos dalin jashtë banesave të tyre.
I dyshuari i sulmit me armë zjarri është neutralizuar nga policia, e cila tashmë e ka nën kontroll zonën. Deri më tani, përjashtohet që ky të ketë qenë një sulm terrorist.
