Stomatologia pas vdekjes lë trashëgimi 5 milionë euro pasuri, të afërmit nuk ‘iu besojnë syve’ kur lexojnë testamentin

164

Testamenti i një 91-vjeçare nga Genova e Italisë, e quajtur Angela Torelli po bën xhiron e rrjetit.

Mësohet se italiania me profesion stomatologe ka lënë 5 milionë euro pasuri për bamirësi.

Pothuajse gjysma e parave janë lënë për shoqatën “Lega del Filo d’Oro” ndërsa 1.5 milionë euro i ka dhuruar për nevojat e banorëve të Genovas.

Gjithashtu ajo ka dhuruar edhe një shtëpi për shoqatën italiane për kërkime mbi kancerin. Në këtë mënyrë, 91-vjeçarja ka “lënë jashtë” testamentit të afërmit e saj dhe kunatin i cili përpiqej ta mbante nën kontroll.

Në testament 91-vjeçarja shkroi:

Deklaroj se nuk arrij të fal të afërmit e kunatit tim që kanë ndërhyrë tek unë dhe im shoq. Shpresoj që Zoti, të cilit i kërkoj falje, të mos më dënojë për këtë. Ndërkohë vetëm për të shoqin ajo ka lënë një shtëpi në Prato Nevoso, si dhe 20 mijë euro për gruan e shërbimit dhe administratorin që kujdesej për pronat e familjes së saj.