Deputetja e Lëvizjes Vetëvendosje, Mimoza Kusari Lila shpërndau në rrjetet sociale disa foto të rënda, që tregojnë sesi djali i saj është kafshuar nga qentë e rrugës.
Përkrah fotos, Kusari Lila bën thirrje që problemi i qenve endacakë të marrë fund dhe fëmijët të dalin pa frikë në rrugë.
“Problemi që sot preku edhe familjen tonë, ka prekur qindra familje në mbarë Kosovën, jam shumë e vetëdijshme për këtë. Është i domosdoshëm trajtimi përmbajtësor i problemit të qenëve endacakë. Problemi i rrugës nuk mund të jenë qenët endacakë, por mënyra se si njerëzit i trajtojnë ata.
Unë nga zemra uroj që djali ynë të jetë i fundit që e përjetoi traumën e sotme, por frikohem se nuk do të mbaroj me kaq.
Apeloj dhe lus të gjitha nivelet e vendimarrjes, mos të lëmë fëmijët të rritën me frikën e daljes në rrugë dhe urrejtjen ndaj kafshëve. Të ngrisim vëmendjen për trajtimin e qenëve të pastrehë dhe trajtimin e mëtutjeshëm të tyre.”
