Përkeqsohet situata / Ushtria ngre çadër pritëse për pacientët, para spitalit Infektiv

239

Në Spitalin Infektiv, forcat e ushtrisë kanë ngritur një çadër pritëse. Sipas burimeve për A2 CNN mësohet se pacientët e rinj, pa simptoma përcaktuese do të kalojnë fillimisht nëpërmjet kësaj çadre, për triazhim, dhe më pas kur të mësohet gjendja reale e pacientit, të bëhet e mundur ndarja specifike e shtrimit të tij.

Deri para pak ditësh pacientët kontrolloheshin fillimisht në ambulancë, ose në urgjencën e spitalit por duke u nisur nga shtimi i rasteve, autoritetet kanë vendosur pikërisht ngritjen e kësaj çadre.

Në të njëjtën mënyrë ka funksionuar edhe te Spitali Universitar i Traumës si dhe te Urgjenca e QSUT-së.