Rriten frikshëm shifrat, 5 humbje jete dhe 125 raste të reja nga Co vid-19 në 24 orë

251

Shqipëria vijon të jetë një zonë e nxehtë e Co vid 19 në Ballkan. Në 24 orët e fundit, fatkeqësisht betejën nuk e kanë fituar 5 pacientë të prekur nga vir usi. Në deklaratën për shtyp, Dr.Marjeta Dervishi, nga Instituti i Shëndetit Publik, tha se Me gjithë përpjekjet e mjekëve, e kanë humbur betejën me Co vid 19 një 74-vjeçare nga Korça, një 78-vjeçar nga Kukësi, një 89-vjeçare nga Vlora dhe 2 qytetarë nga Tirana: një 50-vjeçar dhe një 86-vjeçar. Ministria e Shëndetësisë dhe Mbrojtjes Sociale u shpreh ngushëllimet familjarëve.

Nga ana tjetër, Dervishi tha se në 24 orët e fundit 833 testime dhe janë konfirmuar 125 raste. Rastet ditore të identifikuara janë të shpërndara në bashkitë si vijon: 46 raste në Tiranë, 12 raste në Durrës, nga 7 raste në Elbasan, Mirditë, nga 6 raste në Krujë, Kavajë, Bulqizë, Kuçovë, nga 5 raste në Vorë, Gjirokastër, 4 raste në Gramsh, nga 2 raste në Shkodër, Berat, Kamëz, Mat, nga 1 rast në Kurbin, Kukës, Has, Tropojë, Pogradec, Sarandë, Selenicë.

Lajmi i mirë është se 43 qytetarë janë shëruar në 24 orët e fundit, duke e çuar në 6831 që nga fillimi i epidemisë. Situata në spitale vijon të jetë e qëndrueshme. Aktualisht në spitalin Infektiv dhe Shefqet Ndroqi po trajtohen 175 pacientë, 15 në terapi intensive nga të cilët 5 pacientë janë të intubuar.

Ministria e Shëndetësisë dhe Mbrojtjes Sociale, ju bën thirrje qytetarëve të respektojnë masat për parandalimin e ketij infeksioni, ju lutemi mbani detyrimisht maskë në ambiente të mbyllura dhe aty ku nuk ruhet dot distanca, kujdesuni për higjenën personale, ruani distancimin fizik, dezifektoni objektet që prekni, mbroni veten dhe njëkohësisht të afërmit tuaj.

Të nderuar qytetarë ju kujtojmë edhe një herë se çdo rast i identifikuar pozitiv, duhet të vetëizolohet dhe se shkelja e rregullave nga kushdo do të konsiderohet rrezik për jetën dhe shëndetin e të tjerëve tha më tej Dr.Marjeta Dervishi nga Instituti i Shëndetit Publik.