Rama ia ‘ngec në fyt’ rakinë Veliajt: Mos i hy mo këtij muhabeti se na more në qafë.

87

Kryeministri Edi Rama, ndodhet në Petrelë së bashku me kryetarin e Bashkisë së Tiranës, Erion Veliaj, për të inspektuar një shtëpi të re, të rindërtuar pas tërmetit të Nëntorit.

Gjatë bisedës me familjarët , ku po pinin dhe nga një gotë raki, teksa Veliaj i ka bërë një kompliment vajzës së vogël të kësaj shtëpie, ka ndërhyrë kryeministri i cili i teksa ka kujtuar deklaratën e tij të bujshmje, ku ka thënë se çunat janë zdromsa, i lutet të mos i hyjë më këtij muhabeti.

Veliaj: Princesha gëzuar princesha, ti qenke më e bukur se ajo te dora, se Frozen.

Rama: Mos hy me këto i bukur e i shëmtuar se na more në qafë. Me atë që the se çunat janë zdromsa, tani të janë qepur të gjithë ty si zdroms, mos i hy mo këtij muhabet.

Veliaj: Po pse nuk janë gocat më të ftillume.

Rama: Po kjo është tjetër gjo, çunat janë të mirë, gocat janë më të mira. Po jo zdromsa. Ti ske faj se unë e di për ç’a e ke ti. E di për ç’a e ke, sna u ndanë zdromsat po nuk janë të gjithë si ata.