Një aksident ka ndodhur në afërsi të fshatit Qesarat të Memaliajt ku është përfshirë furgoni i Burgjeve.
Automjeti i Drejtorisë së Burgjeve në Tiranë brenda të cilit ishin 3 të burgosur dhe polici shoqërues është përplasur me një tjetër mjet.
Për pasojë një polic ka mbetur i lënduar. Menjëherë pas aksidentit polici 32 vjeçar është transportuar në spitalin e Gjirokastrës me dëmtime të lehta.
Grupi hetimor ka shkuar ne vendngjarje për të hetuar për shkaqet e aksidentit.