Presidenca i ka cilësuar deklaratat e kreut të grupit të PS, Taulant Balla në lidhje me çështjen e kallëzimit penal të presidentit Meta ndaj kreut të KED si presione të dhunshme dhe të qarta politike.
Në një postim në Facebook, zëdhënësi i Presidentit Ilir Meta, Tedi Blushi shprehet se kreu I shteti nuk do të tolerojëm më as shkeljen më të vogël të procedurave në lidhje me Gjykatën Kushtetuese
Ai i bën apel mazhorancës që të mos ndërhyjë dhe të mbaj duart larg Gjykatës Kushtetuese.
“Deklaratat e shëmtuara dhe të dënueshme të z.Balla janë presione të dhunshme dhe të qarta politike ndaj organit të akuzës, për të mos vepruar menjëherë ndaj kallëzimit penal të depozituar dje nga Presidenti i Republikës ndaj z.Ardian Dvorani, besnikut të partisë dhe dhunuesit të vetëdijshëm të ligjit dhe Kushtetutës.
Presidenti Meta ka qenë shumë i qartë dhe KA PARALAJMËRUAR PRERË se në të ardhmen NUK DO TË TOLEROJË MË, as shkeljen më të vogël të procedurave, që synon kapjen mafioze të Reformës në Drejtësi, që tani ndodhet para një momenti historik për të dëshmuar integritetin dhe vërtetësinë e saj! Për këdo që nuk e ka kuptuar qartë, PARALAJMËRIMI ËSHTË I PRERË: LARG DUART NGA GJYKATA KUSHTETUESE! TE GJYKATA KUSHTETUESE VIJA ËSHTË E KUQE, DHE ËSHTË E KUQE FLAKË!”
