Një i ri ka humbur jetën si pasojë e një aksidenti, ndërsa dy të tjerë janë plagosur. Mëngjesin e sotëm rreth orës 08 e 40 në autostradën Levan Tepelenë në afërsi të fshatit Buzmadh mjeti tip Hyundai që drejtohej nga 25 vjeçari Klevis Banavia banues në Burrel, ka humbur kontrollin dhe ka dalë nga rruga.
Për pasojë ka ndërruar jetë pasagjeri, 27 vjeçari Eljan Haliti banues në Burrel si dhe ndodhen nën kujdesin e mjekeve në spitalin rajonal Fier pasagjerja Elsa Meskurti 21 vjeçe banuese në Mat dhe shoferi Klevis Banavia.
Tre personat po ktheheshin nga një gëzim familjar në Përmet. Në vendin e ngjarjes ndodhet grupi hetimor për kryerjen e veprimeve dhe sqarimin e rrethanave të ngjarjes.
