Një çift nga Hungaria ka dhënë alarmin SOS. Ata janë bllokuar në malin e Llogorasë dhe kanë kërkuar ndihmë. Sipas burimeve të policisë, çifti ka dalë për të eksploruar zonat dhe shtigjet e Llogorasë dhe Karaburunit, por kanë humbur në këtë zonë.
Njoftimi i Policisë:
Vlorë
Sot rreth orës 20:00, jemi njoftuar se në zonën e Karaburunit dyshohet se kanë humbur rrugën një çift hungarezësh.
Automjeti i cili është marrë me qira nga ana e tyre ndodhet i parkuar pranë zyrave të zonave të mbrojtura, Vlorë.
Ata janë rreth moshës 35 – 40 vjeç dhe kanë kërkuar ndihmë nëpërmjet celularit i cili rezulton i fikur më pas.
Janë ngritur grupe kërkimi nga Drejtoria Vendore e Policisë Vlorë, Policia Kufitare Vlorë nëpërmjet mjeteve lundruese dhe Repartit Delta.
Po punohet për gjetjen e tyre.
