Një i ri shqiptar ka humbur jetën këtë të hënë si pasojë e një aksidenti rrugor të ndodhur në Valverde di Cesenatico në Itali.
Mediat italiane bëjnë me dije se 19 vjeçari humbi, pasi motori me të cilin udhëtonte u përplas me një furgon.
Sipas hetimeve paraprake, furgoni i drejtuar nga një 37 vjeçar italian i preu rrugën motorit duke i shkaktuar vdekjen e menjëhershme të riut.
Fatkeqësisht përplasja ka qenë fatale dhe i riu nuk ka mundur të mbijetojë nga plagët e marra.
Gjithashtu mediat e shtetit fqinj shkruajnë se djali ka punuar si ndihmës kuzhinier në një restorant në Pinarella.
