Një basketbollist amerikan është dënuar me dy vite pezullim pasi në kontrollin antidoping doli se ishte shtatzënë.
DJ Cooper ishte në procedurat e fundit për t’u bashkuar me kombëtaren boshnjake të basketbollit, procedura që përfshinin edhe testin rutinë të antidopingut.
Por, kampioni i urinës tregoi se kishte hormone që prodhohen nga placenta gjatë shtatzënisë.
Federata Ndërkombëtare e Basketbollit (FIBA) e pezulloi për mashtrim, pasi urina që përdori basketbollisti ishte e një shoqeje të tij.
Në Twitter pati shumë nga ata që e tallën, por kishte dhe përdorues që vunë në dukje se kur një mashkull rezulton shtatzënë në testin e urinës, kjo është një shenjë e keqe: Kur testi nxjerr shtatzënë një mashkull, mund të jetë shenjë e kancerit në testikuj.
burimi: A2CNN