Jennifer Aniston dhe Justin Theroux u ribashkuan me njëri-tjetrin për një rast të trishtë, pasi qeni i tyre, Dolly, ndërroi jetë. Ata i dhanë lamtumirën e fundit Dolly dhe kjo i ndihmoi të dy të kuptonin se sa e rëndësishme është miqësia e tyre edhe pas momentit që u divorcuan.
Një burim i afërt është shprehur për Hollywoodlife se Jennifer nuk mban mëri me asnjë prej ish-partnerëve të saj, pasi ajo është një grua e maturuar.
Burimet kanë pohuar se Aniston dhe Thereoux do vazhdojnë të mbeten miq të mirë edhe pas këtij momenti. Kujtojmë se aktorja u martua me Justin në vitin 2015, por në 2017 ata i dhanë fund marrëdhënies së tyre. Ndarja e tyre ishte e qetë dhe nuk pati asnjë skandal më pas.
