Përfshihet nga flakët mëngjesin e kësaj të hëne një prej anijeve më të mëdha turistike në qytetin e Vlorës. Anija turistike “Aquamarine” me 5 persona në bord ka marrë flakë teksa ndodhej e ankoruar në plazhin e Shën Vasilit në Karaburun.
Ekuipazhi i anijes është hedhur menjëhere ne uje ndërsa në ndihmë të tyre kanë ardhur edhe forcat e policisë kufitare të Vlorës të cilët morën njoftim për këtë ngjarje nga QNOD Durrës.
Të 5 personat që ishin në bord janë në gjëndje të mirë shëndetësore.
Dyshohet se shkak i rënies së zjarrit në anijen turistike ka qënë një shkëndije elektrike
Megjithatë policia po heton ngjarjen.
