Dyshimet për tradhëti kanë sjell një krim të rëndë brenda familjes në Vlorë.
Lavdosh Sula 56 vjec ka qëlluar për vdekje me leve hekuri gruan e tij Laureta Sula e cila gjeti më pas vdekjen në spital.
Ngjarja ndodhi në fshatin Babicë e Madhe.
Lavdosh Sula nën dyshimet se gruaja e tij e tradhëtonte dhe I shtyre nga xhelozia I ka vënë duart në fyt gruas së tij brenda në shtëpi.
Më pas me një levë hekuri ai e ka goditur ne kokë, fytyre e pjesë të tjera të trupit.
56 vjecari ka lajmeryuar vetë forcat e rendit ndërsa ambulance dërgoi me urgjencë në spital gruan që nuk mundi ti mbijetojë plagëve të marra.
Lavdosh Sula u arrestua ndërsa policia po punon për zbardhjen e ngjarjes.
Njoftimi i policisë
Në orën 12:52, në fshatin Babicë e Madhe, Vlorë, pas një konflikti në familje dyshohet se shtetasi L. S., 56 vjeç, ka goditur me mjet të fortë (levë hekuri) bashkëshorten e tij 44 vjeçare L.S.
E dëmtuara u shoqërua për ndihmë mjekësore në Spitalin e Vlorës por për shkak të dëmtimeve të marra në orën 13:30, njofton Spitali se ka ndërruar jetë.
Policia ka shoqëruar menjëherë bashkëshortin, shtetasin L.S., si autorin e dyshuar në lidhje me ngjarjen për të cilin po vijojnë veprimet e mëtejshme në lidhje me arrestimin e tij.
Grupi hetimor ndodhet në vendin e ngjarjes duke kryer veprimet hetimore në lidhje me sqarimin e rrethanave.
