Drejtoria e Përgjithshme e Arkivave në kuadër të 70 vjetorit të themelimit, organizon “javën e arkivave të hapura”.
Nga sot deri më 7 qershor vizitorët do të mund të njihen me procesin e restaurimit, mikrofilmimin dhe përpunimin e dokumenteve arkivorë.
Vizitorët do të mund të shohin nga afër kodikë dhe fermanë, mes të cilëve edhe kodikët e Beratit që janë shfaqur rrallë herë në publik.
Drejtoria e Përgjithshme e Arkivave i bën thirrje shkollave dhe universiteteve që të kontaktojnë paraprakisht për vizitat e tyre ne mënyrë që të krijohen të gjitha mundësitë dhe hapësirat të njohjes nga afër me këto procese, veçanërisht për të rinjtë.
