Menjëherë pas tensionimit të situatës në protestën e opozitës, ka reaguar ministri i Brendshëm, Sandër Lleshaj.
Përmes një postimi në Twitter, ai iu ka bërë thirrje protestuesve të mos sulmojnë institucionet. “Me Molotov nuk ndërtohet demokracia, por synohet të shkatërrohet Shqipëria. Por kjo gjë është e pamundur! Ftoj qytetarët e përgjegjshëm të distancohen nga sulmi ndaj institucioneve. Askush nuk mund ta djegë Shqipërinë përsëri!”, shkroi Lleshaj në Twitter.
