Banorët e Unazës së Re janë përleshur këtë të martë me policinë, pasi kishin dalë në rrugë për të bllokuar kalimin e kryeministrit Edi Rama, i cili ishte për një inspektim të fabrika e miellit.
Momentet e tensionit kanë qenë të shumta, ndërsa protestuesit kanë qëlluar me gurë në drejtim të policisë. Nga ana e saj, policia ka shoqëruar disa persona mes tyre edhe ish-deputeti i partisë demokratike Klevis Balliu, ndërsa për të shpërndarë turmën kanë ndërhyrë policët e forcave speciale.
Balliu u pa të dilte nga dritarja e furgonit të policisë duke i bërë thirrje njerëzve që të mos largoheshin ndërsa tha që do të vijojë të mbështesë protestën e banorëve sikurse ka bërë prej disa muajsh.
