Kryeministri Edi Rama ka reaguar pas vendimit të koalicionit opozitar, që këtë të martë ka firmosur marrëveshjen për të mos u zhvilluar zgjedhje me Ramën kryeministër.
Shefi i qeverisë përmes një postimi në Twitter e ka quajtur opozitën humbëse kronike, ndërsa ka theksuar se zgjedhjet as nuk shtyhen dhe as nuk ndalen.
“Pas djegies së mandateve, koalicioni kundër zgjedhjeve një tjetër formë e padëgjuar vetëvrasjeje politike! Humbësit kronikë janë peng i dëshpërimit të tyre, po Shqipërinë s’e marrin dot peng. Zgjedhjet as ndalen as shtyhen. Në 30 qershor qytetarët do flasin me votë në çdo bashki.”
