Ish-ministri i Drejtësisë, Ylli Manjani, ka reaguar për dhunën e ushtruar nga shefi i komisariatit NR.4 në Tiranë ndaj një banoreje që proteston për shtëpinë e saj te “Bregu i Lumit”.
Në një reagim në Facebook, Manjani shkruan se dhuna ndaj vajzës është dyfish e dënueshme, pasi jo vetëm që i rrahin por dhe pengojnë telefonat që të pasqyrojnë ngjarjen.
Reagimi i Manjanit:
Ai polici që goditi vajzën sot tek Bregu i Lumit, paguhet ndër të tjera për të mbrojtur gratë nga dhuna.
Dhuna ndaj saj është dyfish e dënueshme.
Them “ndër të tjera”, sepse me të tjerat ai polic e kolegët e tij e kanë menderosur. Përfshi dhe terrorin e ndalimit të lajmeve, duke ju rrembyer edhe celularët njerëzve.
Mirë që i rrahin e i dhunojnë, por s’i lënë as të qajnë!
Kjo është Policia që vazhdojnë ta duan!!!
