Agjencia Kombëtare e Turizmit ishte e pranishme në Mirditë, në aktivitetin më temë Promovimi i turizmit malor nëpërmjet kthimit të resurseve natyrore në produkte turistike të vizitueshme dhe të aksesueshme.
Potencialet për zhvillimet e turizmit malor në rrethin e Mirditës me atraksione të tilla si Pllaja e Valmur-Didhe, Bjeshkët e Kacinarit etj., përfaqësojnë një mundësi të madhe për zhvillimin turistik malor të zonës.
Gjithashtu, kjo çon dhe në rritjen e numrit të turistëve që mund të eksplorojnë shtigjet e kësaj zone malore jo shumë të njohur për publikun e gjerë.
Ky aktivitet u organizua në qendrën Info Kulla nga bashkia Mirditë si një event ekspozues i projektit të shtigjeve si dhe një panair me prodhimet tradicionale të Mirditës./ATSH/
