Një person ka humbur jetën dhe një tjetër është plagosur këtë të shtunë në Kosovë pas rënies së një orteku dëborë në Brezovicë.
Lajmi është konfirmuar nga Drejtori i Agjencisë për Mbrojtje të Mjedisit në Kosovë, Ilir Morina, i cili ka theksuar se nga sasia e madhe e dëborës ka humbur jetën shtetasi me iniciale A.D.
Ngjarja e rëndë ka ndodhur menditën e kësaj të shtune, dhe dyshohet se dy personat kishin shkuar në Brezovicë për sporte ekstreme, ç’ka ka shkaktuar edhe tragjedinë e rëndë.
Ndërkohë autoritetet kosovare kanë nisur punën për zbardhjen e plotë të rrethanave të ngjarjes.