Një 20-vjeçar është plagosur me armë zjarri gjatë orëve të pasdites së të shtunës në zonën e “Yzberishtit” në kryeqytet.
Policia bën të ditur se ngjarja ka ndodhur rreth orës 17:40, ku pas një konflikti të çastit është plagosur me armë zjarri në këmbë një i ri rreth 20 vjeç, jashtë rrezikut për jetën.
Mësohet se policia ka bërë të mundur identifikimin e autorit të kësaj ngjarje dhe po punon për arrestimin e tij.
