Kryeministri i Kosovës Ramush Haradinaj është shprehur i gatshëm të japë dorëheqjen nëse Kosova bashkohet me Shqipërinë.
Mbrëmjen e kaluar i ftuar në “Xing me Ermalin” Haradinaj ka folur për jetën e tij duke nisur nga puna në emigrim deri tek martesa dhe karriera politike.
I pyetur nga Ermali se në qoftë se bashkohet Shqipëria dhe Kosova kush do ta japë dorëheqjen ai apo Rama, Haradinaj tha “E jap unë. Po pse jo” shumë spontan për të treguar se më i rëndësishëm se gjithçka është bashkimi.
Ankesave të moderatorit për kontrollet në të dyja anët e kufirit, Haradinaj iu përgjigj se nga 1 janari nga Kosova do të hiqen të gjitha kontrollet.
