Maksim Caclli, drejtori i Deloitte Shqipëri, i ftuar në “Ekopolitikë” në Ora News, tha se në Shqipëri është më e vështirë se në çdo vend tjetër për të bërë biznes, pasi sipas tij, këtu mungon sistemi.
Caclli: Si në çdo gjë tjetër, edhe këtu jemi të veçantë. Ambienti i biznesit në Shqipëri është ndryshe nga çdo vend tjetër i botës. Këtu është shumë më e vështirë se në çdo vend tjetër. Më vjen keq që po e them. Këtu mungon sistemi. Mungon kuptimi nga ana e pushtetarëve për rëndësinë që ka biznesi në ekonominë e vendit.
Biznesi shikohet vetëm për të marrë lek dhe harron që shteti që e ka për detyrë ta ndihmojë atë. Shteti harron që është aksioner në çdo biznes pasi merr 15%. Është krijuar një kulturë e keqe këtu. Unë që jam sot në karrige e shikon biznesin që vetëm mund t’u merret lek.
