Ata të cilët nuk pinë fare alkool gjatë moshës së mesme janë më të rrezikuar të zhvillojnë demencën sesa ata që pinë alkool në sasi të moderuar.
Ky është përfundimi i çuditshëm që kanë arritur shkencëtarët. Hulumtuesit kanë zbuluar se ‘abstenimi nga alkooli’ është ndërlidhur me 45% rritje të shanseve për t’u sëmurë nga demenca në moshë të vjetër, krahasuar me ata të cilët kanë pirë me sasi të kufizuar – rreth një shishe e gjysmë verë në javë.
Por kujdes! Edhe ata të cilët kanë pirë më shumë sesa sasia e rekomanduar kanë qenë po ashtu të rrezikuar nga zhvillimi i demencës. Konsumimi i tepërt i alkoolit, por edhe mos konsumimi fare janë thuajse njësoj të rrezikshme.
Gjithashtu studiuesit kanë vlerësuar se ata që nuk konsumojnë fare alkool janë më të rrezikuar nga diabeti dhe sëmundjet kardiovaskulare.
