Apple ka në plan që të xjerrë celularin e parë të tij 5G në vitin 2020, me ndihmën e Intel-it.
Në një kohë që pajisjet Android do t’i nxjerrin celularët 5G vitin e ardhshëm, Apple ka vendosur që të presë derisa teknologjia të “piqet”.
Celularët super të shpejtë në lidhjen internet premtojnë që të shkarkojnë me një shpejtësi 10-20 herë më të lartë sesa celularët e sotëm që janë 3G dhe 4G. Kjo do të thotë që filmat në formatin 4K do të shkarkohen brenda pak sekondash.
Apple planifikon që të përdorë çipat modem të Intel-it për të rritur shpejtësinë dhe eficencën, por këto modeme mbinxehen dhe kjo ndikon në baterinë dhe performancën e celularit.
Duhet të presim vitin 2020 për të parë nëse celularët 5G të Apple do të jenë në lartësinë e duhur.
