Lumturia është një fenomen që ne e vlerësojmë më së miri, por që harrojmë se në disa raste ajo mund të cilësohet dhe shumë e frikshme.
Të kesh frikë nga lumturia do të thotë të të përgatitesh paraprakisht për shenjat e ankthit.
Në rastet më të këqija, njerëzit ia mbathin para diçkaje që mund t’i bëjë të lumtur. Pra me fjalë të tjera quhet një autosabotazh ndaj vetes. Këta persona jetojnë me ndjesinë se nëse kalojnë momente lumturie, diçka e keqe mund të ndodhë nga momenti në moment. Mendojnë se nuk jetojnë për të qenë të lumtur dhe e shmangin këtë kusht.
Kjo është një sindromë që ndryshe njihet me emrin “Cherofobia”? Ajo mund t’i ketë rrënjët e thella që vijnë nga periudha fëminore. Personi mund të ketë vuajtur nga ndëshkimet, apo poshtërimet që e kanë shkatërruar një moment të veçantë lumturie.
Truri e ka regjistruar këtë situatë aq sa mund të shpërthejë në frikë irracionale që rishfaqet. Një person i tillë mendon se nuk është mirë t’i tregosh lumturinë të tjerëve dhe tenton të fshehë gjërat e bukura që mund të ndodhin.
Shumë njerëz nuk duan të gjejnë një kurë për këtë shqetësim, pasi e shohin si një mbrojtje nga bota e jashtme. Por kush dëshiron të përballet me të mund ta bëj me ndihmën e një psikoterapie që vepron në origjinën e lidhjes lumturi-ndëshkim.
