Një aksident i rëndë është regjistruar mbrëmjen e sotme në aksin që lidh qytetin e Roskovecit me Beratin, pranë fshatit Arapaj.
Një mjet ka përplasur dy persona që ishin duke ecur në këmbë në anë të këtij aksi rrugor dhe i ka lënë të vdekur, kushërinjtë Amarildo dhe Festim Dogani, përkatësisht 21 dhe 29 vjeç.
Drejtuesi i mjetit është shtetasi Amarildo Çalamani, banues gjithashtu në fshatin Arapaj, fillimisht u largua nga vendi i ngjarjes, por u arrestua disa minuta më vonë dhe u shoqërua në rajonin e policisë së Fierit.
Menjëherë në vendngjarje kanë mbërritur forca të shumta të policisë, që po hetojnë për të zbardhur shkaqet e aksidentit, ndërsa paraprakisht dyshohet se mjeti ka qenë duke udhëtuar me shpejtësi të lartë.
